Taheimá miyuawitsie mana takakaima mekanihekiaka. Tukaritsie kaniutaneeka metá hekiariyatsie, tayeutsie, táxatatsie, ‘iritsie, mawaritsie, matiwametsie metá marakariya maiyatsie. Wixárika kwieyaritsie Wirikuta katine’aneni.Tayeu mutahekiarixitsie naiti tita mitixuawe katiniuhekiare metá kakaiyarixi maiyá kaniwarupitiani.Ya tewimeti xeikía tukari kanayeikani. Tawari ke ta naiti katiniyukatsutsutiwani nenewieri miyuyetuanitsie, yeiyatsie timieme katinayuye’atiwamiki, Wirikuta yeiyá metá maxa hikuri ‘iweiyari. Hikuritamete yumaiyaki yuyeiyá mekanayenieritia kimana yuheimá miyuawitsie mekananukunieritiwani, yumatiari memiyiaka pai. ‘Ena teiteri mekaniyuti’itiwani, maiyá mekaniku’axikeni metá metekeemati mekanakikani. ‘Ena teiteri kakaiyarixi mekanakikani.
Hixiapatsie wixaritari wakakaima yukiekari mekaniukamaní mana matiari yuwatsiya mekaniu’iniata. Wixárika kiekarieya hixiapa kanayaní, hiritsie katini’aneni, hiki wixaritari yuyeiyari memayexeiya mana wakiekari kanihekiaka.‘Ena heriepa kiekatari yuyeiyá mehayexeiyati mekaniu’uwani. Wáxata ‘aurie mekaneuteetikani yuxíriki mehayexeiyati metá waiká metehayexeiyati tukite manu’utikatsie. ‘Ena’i mehayekikati kakaiyarixi memuku’utikatsie paiti mekaneta’axeni metá mekanakununuwani yukie ‘ixiarari mewewienike.‘Ena’i hixiapatsie meyekikati Tahetía mekaneta’axeni wanuiwari matiyiraxitsie ya tini Taheimá mekaneta’axeni yutukari meuwautikaiti.
Tahetía yiiwita mieme, tikariki, ha, witarita, ‘ukari wahetsie, nuiwitiwamete metá ‘akuxi memikateyu’ikitiatiwe. Wixárika kwieyari tetiata kwieyaritsie katini’aneni.Kakaiyarixi memu’uwakaitsie mipai katini’anekaitini naitsarie: ha xeikía metá yiiwita. Meukahane haramara yaxeikía katineukumaka takwé xewiti ‘itahekiatame. Meri kiekatari hapa mekanatinexiani hekiariya me’uwauximeti.Yiwita kaniuyeyani tayeu tewi pai ‘aneti kuxi kakaiyari kahayeiwekaku taheimá mieme. ‘Ana pai ri mitiyetía tayeu yiwita kaneukahakeni Wirikuta pai kanetineikani hekwati.Mana pai ri ‘itetuini kaninuku’uuka miyuawi tuikati metá tetiata mieme mati mikayuwiyaniki miyuawi mati ‘iki ‘itetuini katineuku’uuka.‘Ana miya mitiuyitsie xukuri kaniutinuiwa naiti memitehekía mana manatinuiwa miki tukari ‘imiariyari meuhane kaniwimani.
